рэтрансля́тар, ‑а, м.
Спец. Адна з прамежкавых радыё- ці тэлевізійных станцый у ланцугу перадавальных і прыемных станцый. Касмічны рэтранслятар тэлебачання.
рэтрансляцы́йны, ‑ая, ‑ае.
Спец. Які мае адносіны да рэтрансляцыі, служыць для яе. Рэтрансляцыйная станцыя. Рэтрансляцыйная вежа.
рэтрансля́цыя, ‑і, ж.
Спец. Прыём і перадача сігналаў на прамежкавым пункце сувязі з мэтай павелічэння дальнасці іх дзеяння.
рэтранспланта́цыя, ‑і, ж.
Паўторная трансплантацыя.
рэтраншэме́нт, ‑а, М ‑нце, м.
Уст. Умацаванне, размешчанае ззаду галоўнай пазіцыі таго, хто абараняецца.
[Фр. retranchement.]
рэтраспекты́ва, ‑ы, ж.
Кніжн. Тое, што змяшчае рэтраспектыўны агляд (рэтраспектыўная выстаўка, дэманстрацыя, апісанне і пад.). Рэтраспектыва дакументальных фільмаў. Рэтраспектыва савецкага балета.
рэтраспекты́ўны, ‑ая, ‑ае.
Звернуты назад, да мінулага. Сучасная паэзія накіроўвала .. [Бярозкіна] рэтраспектыўны погляд не далей 30‑х, у крайнім выпадку не далей 20‑х гадоў. Каваленка.
[Ад лац. retro — назад і spectare — глядзець.]
рэтраспе́кцыя, ‑і, ж.
Рэтраспектыўны агляд, зварот да мінулага.
рэ́туш, ‑ы, ж.
Выпраўленне, падрысоўванне фотаздымка або негатыва і пад. — Я пайду ды аддам мастаку на рэтуш. Здымкаў дадзім як больш, яны паласу ўпрыгожаць, — заспяшаўся Шаевіч. Сабаленка.
[Фр. retouche.]
рэтушава́льны, ‑ая, ‑ае.
Які служыць для рэтушавання. Рэтушавальныя прылады.