Verbum

міткаль, ✂, м.

Гатунак баваўнянай тканіны палатнянага перапляцення, неапрацаваны паркаль.

|| прым. міткалёвы, ✂ і міткальны, ✂.

мітра, ✂, ж.

Галаўны ўбор прадстаўнікоў вышэйшага духавенства і некаторых заслужаных святароў, які надзяваецца ў часе набажэнства.

мітрапаліт, ✂, м.

Вышэйшае ганаровае званне праваслаўных епіскапаў, а таксама епіскап, якому нададзена гэтае званне.

|| прым. мітрапаліцкі, ✂.

мітраполія, ✂, ж.

Царкоўна-адміністрацыйная акруга, якая знаходзіцца пад кіраваннем мітрапаліта.

мітрэнга, ✂, ж. (разм.).

Трывога, неспакой, непрыемнае здарэнне.

• Тут пачалася нейкая м.

мітульга, ✂, ж. (разм.).

Мітусня, мільгаценне чаго-н.

• Падала снегавая м.

мітусіцца, ✂; незак.

1. Хутка і без перапынку перамяшчацца ў розных напрамках.

   • Мітусяцца людзі на вакзале.
   • Думкі мітусяцца (разм.).

2. Увіхацца, мітусліва рабіць што-н.

   • М. каля печы.

3. Мільгацець перад вачамі.

   • Літары мітусяцца.

мітуслівы, ✂.

1. Вельмі рухавы, непаседлівы.

   • Мітуслівыя пчолы.

2. Паспешлівы, хаатычны.

   • Пачаўся м. рух пасажыраў.

3. Неспакойны.

   • М. горад.

|| наз. мітуслівасць, ✂.

мітусня, ✂, ж.

1. Хуткі і бесперапынны рух у розных напрамках.

2. Паспешнае хаатычнае перамяшчэнне з месца на месца.

3. Бязладнае мільганне перад вачыма.

мітынг, ✂, м.

Масавы сход для абмеркавання якіх-н. палітычных або іншых надзённых пытанняў.

• М. пратэсту.

|| прым. мітынговы, ✂.