Verbum

курняўкаць, ✂; незак. (разм.).

Пра катоў: утвараць ціхія манатонныя гукі накшталт «курняў».

куродым, ✂, м.

Густы едкі дым пры гарэнні, тленні без полымя.

куродымець, ✂; незак.

Вылучаць куродым, дымець.

• Галавешка куродымее.

|| зак. закуродымець, ✂.

куродыміць, ✂; незак.

Спальваючы што-н., напускаць куродыму.

• Начнічок к.

|| зак. закуродыміць, ✂.

курок, ✂, м.

Частка ўдарнага механізма ў ручной агнястрэльнай зброі.

• Націснуць на к.

|| прым. курковы, ✂.

курорт, ✂, м.

Мясцовасць з прыроднымі лекавымі сродкамі (мінеральнымі крыніцамі, гразямі і пад.) і з санаторыямі для лячэння і адпачынку.

• Лячыцца на курорце.

|| прым. курортны, ✂.

• К. сезон.

курортнік, ✂, м. (разм.).

Чалавек, які лечыцца, адпачывае на курорце.

|| ж. курортніца, ✂.

курс​¹, ✂, м.

1. Напрамак руху, шлях (карабля, самалёта і пад.).

   • Самалёт узяў к. на поўдзень.

2. перан. Напрамак якой-н. палітычнай, грамадскай дзейнасці.

   • К. на раззбраенне.
   • Знешнепалітычны к.

3. Цана, па якой прадаюцца каштоўныя паперы.

   • Валютны к.
   • Змагацца за ўстойлівы к. рубля.

◊

• У курсе чаго (быць) і ў курс чаго (увайсці, увесці) — пра дасведчанасць у чым-н.

|| прым. курсавы, ✂.

• К. рух.
• Курсавая табліца.

курс​², ✂, м.

1. Закончаны цыкл, увесь аб’ём спецыяльнага навучання, якіх-н. працэдур.

   • К. сярэдняй школы.
   • К. гразелячэння.

2. Асобная гадавая ступень адукацыі ў вышэйшай школе і спецыяльных навучальных установах, а таксама група навучэнцаў гэтай ступені.

   • Скончыць к. ва універсітэце.
   • Стараста курса.
   • Студэнт трэцяга курса.

3. Выклад навуковай дысцыпліны ў вышэйшай школе, у спецыяльнай навуковай установе.

   • Прачытаць к. лекцый па гісторыі Беларусі.

|| прым. курсавы, ✂.

• Курсавая работа студэнта.

курсант, ✂, м.

1. Навучэнец курсаў.

2. Ваеннаслужачы, які навучаецца ў сярэдняй або вышэйшай ваеннай навучальнай установе, а таксама той, хто праходзіць падрыхтоўку ў вайсковай часці.

   • К. сувораўскага вучылішча.

|| ж. курсантка, ✂.

|| прым. курсанцкі, ✂.