Verbum

перлюстрава́ць, -ру́ю, -ру́еш, -ру́е; -ру́й; -рава́ны; зак. і незак., што (спец.).

Праглядзець (праглядаць) паштовыя адпраўленні з мэтай нагляду, цэнзуры.

П. пісьмы.

|| наз. перлюстра́цыя, -і, ж.

|| прым. перлюстрацы́йны, -ая, -ае.

пермане́нт, -у, М -нце, м.

Завіўка, якая доўга трымаецца.

Зрабіць п.

пермане́нтны, -ая, -ае (кніжн.).

Бесперапынны, пастаянны.

Перманентнае развіццё.

|| наз. пермане́нтнасць, -і, ж.

пермякі́, -о́ў, адз. пярмя́к, пермяка́, м.

Былая назва часткі народа комі.

|| ж. пярмя́чка, -і, ДМ -чцы, мн. -і, -чак.

|| прым. пярмя́цкі, -ая, -ае.

пе́рнік, -а, мн. -і, -аў, м.

Салодкае печыва на мёдзе, патацы або цукры з духмянымі прыправамі.

Мядовы п.

|| прым. пе́рнікавы, -ая, -ае.

перо́н, -а, мн. -ы, -аў, м.

Пасажырская платформа на вакзале.

|| прым. перо́нны, -ая, -ае.

перпендыкуля́р, -а, мн. -ы, -аў, м.

У матэматыцы: прамая лінія, якая складае прамы вугал з другой прамой лініяй або плоскасцю.

Апусціць п.

перпендыкуля́рны, -ая, -ае.

Які з’яўляецца перпендыкулярам.

Перпендыкулярныя плоскасці.

Размясціць перпендыкулярна (прысл.) да чаго-н.

|| наз. перпендыкуля́рнасць, -і, ж.

перпе́туум-мо́біле, нескл., м. (кніжн.).

Вечны рухавік.

Вынаходнікі перпетуум-мобіле.

персана́ж, -а, мн. -ы, -аў, м.

Дзеючая асоба ў мастацкім творы.

Эпізадычны п.

Персанажы Кандрата Крапівы.