Verbum

фотатэлегра́ф

(ад фота- + тэлеграф)

апарат, пры дапамозе якога перадаюць на адлегласць фатаграфіі і іншыя відарысы.

фотатэлегра́фія фотатэлеграфі́я

(ад фота- + тэлеграфія)

сістэма дакументальнай электрычнай сувязі, якая забяспечвае ўзнаўленне на адлегласці нерухомых адлюстраванняў (чарцяжоў, фатаграфій і інш.).

фотатэрапі́я

(ад фота- + тэрапія)

выкарыстанне з лячэбнай мэтай інфрачырвоных, бачных і ультрафіялетавых прамянёў; святлолячэнне.

фотафі́лы

(ад фота- + -філ)

святлалюбныя жывёлы, актыўнасць якіх звязана з пэўнай ступенню асветленасці.

фотафі́льм

(ад фота- + фільм)

фільм, які складаецца з нерухомых кадраў-фатаграфій.

фотафі́ніш

(ад фота- + фініш)

прыбор, які складаецца з секундамераў і кіназдымачнага апарата, прызначаны для дакладнага вызначэння фінішу ўдзельнікаў спартыўных спаборніцтваў.

фотафо́бія

(ад фота- + -фобія)

павышаная адчувальнасць вока да асвятлення; святлабоязь.

фотафо́бы

(ад фота- + -фоб)

ценялюбныя жывёлы (напр. глебавыя беспазваночныя).

фотафо́ры

(ад фота- + -фор)

органы свячэння (галоўным чынам у глыбакаводных жывёл).

фотахі́мія

(ад фота- + хімія)

раздзел хіміі, які вывучае хімічныя працэсы ў рэчывах пад уздзеяннем светлавой энергіі.