Verbum

байт

(англ. byte)

адзінка колькасці інфармацыі, якая ў электронна-вылічальнай машыне апрацоўваецца як адно цэлае.

бак​¹

(фр. bac)

вялікая металічная пасудзіна для вадкасцей.

бак​²

(гал. bak = ночвы)

насавая частка верхняй палубы судна.

бака́ж

(фр. bocage = гай)

культурны ландшафт з чаргаваннем невялікіх палёў і лугоў з ляснымі палосамі, астраўкамі гаёў і садоў.

бака́л

(фр. bocal)

пасудзіна ў форме вялікай чаркі для віна.

бакала́ўр

(с.-лац. baccalaureus)

1) першая вучоная ступень у сярэдневяковых універсітэтах Еўропы, а зараз у многіх краінах;

2) выпускнік сярэдняй школы ў Францыі.

бакале́я

(тур. bakalie, ад ар. bakkāl = гандляр харчовымі таварамі)

некаторыя харчовыя тавары: чай, цукар, кава, мука, крупы, сушаныя фрукты і інш.

бака́н

(цюрк. bakam)

барвовая лакавая фарба.

бакара́​¹

(фр. baccarat, ад Baccarat = назва французскага горада)

каштоўны гатунак хрусталю.

бакара́​²

(фр. baccara)

род азартнай картачнай гульні, папулярнай у Францыі і Італіі.