Verbum

мультыпле́кс

(лац. multiplex = складаны, шматкратны)

літарадрукавальны тэлеграфны апарат з аўтаматычнай перадачай адначасова некалькіх тэлеграм адным каналам сувязі.

мультыпле́ты

(лац. multipletus = складаны, шматкратны)

група спектральных ліній, якія размешчаны блізка адна ад другой.

мультыпліка́тар

(лац. multiplicator = які памнажае)

1) фотакамера з некалькімі аб’ектывамі, якая дае адначасова некалькі здымкаў з аднаго прадмета;

2) спецыяліст па мультыплікацыі.

мультыпліка́цыя

(лац. multiplicatio = памнажэнне)

1) кіназдымка паслядоўных фаз рухаў маляваных ці аб’ёмных фігур, што ствараюць ілюзію руху жывых персанажаў;

2) фільмы, створаныя пры дапамозе такой кіназдымкі.

мультыпо́ль

(ад мулыпы- + полюс)

сістэма электрычных або магнітных полюсаў, якая характарызуецца пэўнай сіметрыяй.

мультыпраграмі́раванне

(ад мульты- + праграміраванне)

спосаб выкарыстання электронна-вылічальнай машыны для адначасовага выканання некалькіх праграм.

мультыфункцыяна́льнасць

(ад мульты- + лац. functio = дзейнасць)

выкананне органамі некалькіх функцый.

мультыцыкло́н

(ад мульты- + цыклон)

паветра- або газаачышчальны апарат, які складаецца з некалькіх невялікіх аднатыпных апаратаў (цыклонаў).

му́льча

(англ. mulch = прэлая салома)

матэрыял для мульчыравання (гл. мульчыраваць).

мульчы́раваць

(ад англ. mulch = прэлая салома)

пакрываць паверхню глебы тарфяной крошкай, перагноем, апалым лісцем, каб палепшыць умовы росту раслін і захаваць структуру і вільготнасць глебы.