Verbum

му́льда

(ням. mulde = карыта)

1) металічная скрыня для механізаванай загрузкі шыхтавых матэрыялаў у сталеплавільную печ;

2) форма, у якую заліваюць метал, каб атрымаць злітак;

3) форма залягання слаёў горных парод у выглядзе чашы.

мульта́н​¹

(польск. multan, ад фр. molleton)

баваўняная варсістая тканіна.

мульта́н​²

(ст.-польск. multan, ад Multany = Малдавія)

1) гатунак тытуню;

2) гіст. кароткі двухбаковавостры меч.

мульто́граф

(ад мулыпы- + -граф)

устройства для атрымання вялікай колькасці адбіткаў машынапісу, а таксама малюнкаў.

мультфі́льм

[ад мульт(ыплікацыя) + фільм]

фільм, створаны метадам мультыплікацыі.

мульты-

(лац. multum = многа)

першая састаўная частка складаных слоў, якая паказвае на шматлікасць прадметаў або на шматразовасць дзеянняў, функцый.

мультывале́нты

(ад мульты- + лац. valens, -ntis = моцны)

аб’яднанні больш чым дзвюх храмасом, якія зрэдку ўтвараюцца пры даспяванні палавых клетак на стадыі меёзу (параўн. біваленты).

мультывібра́тар

(ад мульты- + вібратар)

генератар імпульсаў электрычных ваганняў, працягласць якіх звычайна роўная інтэрвалу паміж імі; выкарыстоўваецца ў аўтаматыцы, тэлебачанні, вылічальнай тэхніцы і інш.

мультылатэра́льны

(ад мульты- + лац. lateralis = бакавы)

міжнародны рознабаковы дагавор, заключаны больш як дзвюма дзяржавамі.

мультымільяне́р

(фр. multimillionnaire)

уладальнік многамільённага багацця, капіталу.