Verbum

фотасі́нтэз

(ад фота- + сінтэз)

працэс утварэння зялёнымі раслінамі арганічных рэчываў з вуглякіслага газу і вады пры дапамозе светлавой энергіі, якая паглынаецца хларафілам.

фотаскульпту́ра

(ад фота- + скульптура)

скульптура, выкананая паводле фатаграфічных здымкаў, якія паказваюць прадмет з розных бакоў.

фотаста́т

(ад фота- + -стат)

апарат для капіравання дакументаў, малюнкаў, чарцяжоў, тэкстаў фатаграфічным спосабам.

фотасфе́ра

(ад фота- + сфера)

ніжні слой сонечнай атмасферы, які ўтварае бачную паверхню Сонца.

фотасхе́ма

(ад фота- + схема)

група аэрафотаздымкаў, сумешчаных па агульных контурах і зманціраваных на агульнай аснове.

фотата́ксіс

(ад фота- + таксіс)

рухальная рэакцыя раслінных і прасцейшых жывёльных арганізмаў у адказ на дзеянне святла (гл. таксама геліятаксіс).

фотатапагра́фія

(ад фота- + тапаграфія)

спосаб стварэння тапаграфічных карт на аснове апрацоўкі фотаздымкаў мясцовасці.

фотатранзі́стар

(ад фота- + транзістар)

паўправадніковы прыбор транзістарнага тыпу, заснаваны на выкарыстанні ўнутранага фотаэфекту.

фотатрансфарма́тар

(ад фота- + трансфарматар)

прыбор для атрымання фотаплана мясцовасці ў пэўным маштабе ў час аэрафотаздымкі.

фотатрапі́зм

(ад фота- + трапізмы)

змена напрамку росту органаў раслін у адносінах да святла, якое падае з аднаго боку (гл. таксама геліятрапізм).