Verbum

валькі́рыі

(ням. Walküre, ад ст.-сканд. valkyrja = якая выбірае забітых)

ваяўнічыя дзевы-багіні ў старажытнаскандынаўскай міфалогіі, якія дапамагалі героям у бітвах і суправаджалі душы забітых у валгалу.

ва́льма

(ням. Walm)

трохвугольны схіл вальмавага даху.

ва́льмавы

(ад вальма);

в. дах — чатырохсхільны дах над прамавугольнай пабудовай, у якім два схілы па доўгіх баках маюць форму трапецыі, а два схілы па кароткіх баках трохвугольныя.

вальпу́ргіеў

(ад лац. Valpurgia = імя каталіцкай святой);

в-ая ноч — свята пачатку вясны ў германскай міфалогіі, якое з 8 ст. адзначалася ў ноч на 1-е мая, калі, паводле народнага павер’я, збіраліся ў гарах Гарца ведзьмы і наладжвалі свой «шабаш».

вальс

(фр. valse)

плаўны парны танец трохдольнага памеру, а таксама музычны твор у такім рытме.

ва́льса

(н.-лац. valsa)

сумчаты грыб сям. вальсавых, які развіваецца на галінках і ствалах лісцевых дрэў і кустоў.

вальс-басто́н

(ад вальс + бастон)

амерыканскі бальны танец з шырокім крокам на першую долю такта.

вальта́ж

(фр. voltage)

напружанне ў электрычным ланцугу ў вольтах.

вальтаме́тр вальта́метр

(ад вольт + -метр)

прыбор для вымярэння колькасці электраэнергіі па хімічным дзеянні электрычнага току (па колькасці металу або газу, што выдзяляецца з электраліту).

вальтме́тр

(ад вольт + -метр)

прыбор для вымярэння напружання паміж двума пунктамі электрычнага ланцуга.