Verbum

падвышэ́нне Узвышша, прыўзнятае месца (Слаўг.).

падгаёк Невялікі малады сасоннік на краю лесу (Ст.-дар.).

□ ур. Падгайкі́ Малы́е (лес) каля в. Пасека Ст.-дар.

падга́й Участак поля (Бярэз. ДАБМ, 511).

падгара́ Ніжэйшы ўзгорак (Крыч.).

□ ур. Падгара́ (ніжэйшы ўзгорак) каля в. Дзягавічы Крыч.

падгаро́ддзе Сенажаць, якая знаходзіцца ніжэй агародаў і вясной заліваецца вадой (Слаўг.). Тое ж подгараддзе, падгародзішча (Слаўг.).

□ ур. Падгароддзе (сенажаць каля агародаў) у в. Папоўка Слаўг., ур. Падгароддзе (1764) за Сажом, каля аколіцы Малашкаві́чы (ІЮМ, вып. 18, стар. 157, 158).

падгаро́дзіца Прыгарадная вёска (Кузн. Касп.). Тое ж подгараддзеўе (Слаўг.).

падго́р'е Месца каля падэшвы гары (Слаўг.). Тое ж падгараўё, падгорнічча (Слаўг.), падгу́р'е (Брэсц.).

□ ф-к Падгур'е (1912) каля в. Усохі Слаўг.

падгра́ддзе Месца на лузе, якое прылягае да грады (Палессе Талст.).

падгру́дак Падэшва грудка (Маладз.).

падгу́мні́шча Месца каля гумна або дзе стаяла гумно (Слаўг.). Тое ж падгу́ме́нне, падгу́мні́чча (Слаўг.).