Verbum

малаздо́льны, ‑ая, ‑ае.

У якога недастаткова здольнасцей. Малаздольны вучань.

малазмясто́ўнасць, ‑і, ж.

Уласцівасць малазмястоўнага.

малазмясто́ўны, ‑ая, ‑ае.

Які не мае багатага зместу; павярхоўны, бедны. Малазмястоўны даклад.

малазмяшча́льны, ‑ая, ‑ае.

Недастаткова змяшчальны, невялікіх памераў. Малазмяшчальны бак.

малазнаёмы, ‑ая, ‑ае.

Недастаткова знаёмы. Далейшая размова збліжае .. [Лабановіча і Андросаву], рассейвае тое недавер’е і тую асцярожнасць, што замінаюць выяўленню шчырасці і адкрытасці паміж людзьмі, асабліва малазнаёмымі. Колас.

малазна́чнасць, ‑і, ж.

Уласцівасць малазначнага.

малазна́чны, ‑ая, ‑ае.

Які не мае вялікага значэння, не дае значных вынікаў. Малазначная падзея.

малазо́льны, ‑ая, ‑ае.

Спец. Які змяшчае ў сабе мала попелу, шлаку. Малазольныя тарфянікі.

малазразуме́лы, ‑ая, ‑ае.

Недастаткова зразумелы. Кнігі ўсе былі незнаёмыя і малазразумелыя Ігнасю. Мурашка.

малазяме́лле, ‑я, н.

Недастатковая колькасць зямлі для вядзення сельскай гаспадаркі. Беднасць і малазямелле змушалі клінкоўцаў шукаць заработку на старане. Колас. У той час, калі ў БССР працоўныя сяляне вызваліліся ад прыгнечання і атрымалі бясплатна зямлю, у Заходняй Беларусі гаспадарамі краю засталіся памешчыкі, а сяляне задыхаліся ад малазямелля. Палуян.