Verbum

македо́нка,

гл. македонцы.

македо́нскі, ‑ая, ‑ае.

Які мае адносіны да Македоніі, македонцаў. Македонская мова.

македо́нцы, ‑аў; адз. македонец, ‑нца, м.; македонка, ‑і, ДМ ‑нцы; мн. македонкі, ‑нак; ж.

Паўднёваславянскі народ, які складае асноўнае насельніцтва югаслаўскай Македоніі, некаторых раёнаў грэчаскай Македоніі і Балгарыі.

маке́т, ‑а, М ‑кеце, м.

Узор, схема чаго‑н., звычайна ў паменшаным выглядзе; мадэль. У кутку на тумбачцы пабліскваў макет рэактыўнага рухавіка. Алешка. // У паліграфіі — папярэдні ўзор, пробны экземпляр кнігі, газеты і пад. Макет святочнага нумара газеты.

[Фр. maquette ад іт. macchietta— накід.]

макетава́нне, ‑я, н.

Падрыхтоўка макетаў; увасабленне чаго‑н. у макеце.

макетава́цца, ‑туецца; незак.

Зал. да макетаваць.

макетава́ць, ‑тую, ‑туеш, ‑туе; незак.

Рабіць макет чаго‑н.; увасабляць што‑н. у макеце. Макетаваць механізаваную жывёлагадоўчую ферму.

маке́тны, ‑ая, ‑ае.

Які мае адносіны да макета. Макетная майстэрня.

маке́тчык, ‑а, м.

Той, хто робіць макеты.

маке́тчыца, ‑ы, ж.

Жан. да макетчык.