Verbum

пярэсціць​¹, ✂; незак.

1. Рабіць пярэстым, надаваць пярэсты выгляд чаму-н.

   • Цені ад дрэў пярэсцяць поле.

2. звычайна безас. Пра адчуванне пярэстасці ў вачах.

   • Аж пярэсціць уваччу ад мільгання тэлеграфных слупоў.

3. Вылучацца сваёй пярэстасцю сярод чаго-н.

   • На лузе пярэсцяць кветкі.

4. чым і ад чаго. Быць пярэстым ад чаго-н.

   • Сцяна пярэсціць афішамі.

пярэсціць​², ✂; незак. (разм.).

Моцна біць.

• П. палкай па спіне.

|| зак. спярэсціць, ✂.

|| наз. пярэшчанне, ✂.

пярэчанне, ✂, н.

1. гл. пярэчыць.

2. Доказ, думка супраць чаго-н., выражэнне нязгоды з чым-н.

   • Праект сустрэў пярэчанні.
   • Ён не выносіць пярэчанняў.

пярэчыць, ✂; незак.

1. Выказваць нязгоду з кім-, чым-н., прыводзіць доказ супраць чаго-н.

   • П. дакладчыку.

2. чаму. Не адпавядаць, маючы ў сабе супярэчнасць.

   • Паказанні пярэчаць адно аднаму.
   • Гэта пярэчыць яго погляду.

|| зак. запярэчыць, ✂.

|| наз. пярэчанне, ✂.

пясец, ✂, м.

Палярная лісіца з каштоўным футрам, пераважна сівога колеру, а таксама само футра.

• Блакітны, белы п.

|| прым. пясцовы, ✂.

пясняр, ✂ м. (паэт.).

1. Пра народнага паэта, вершы якога перакладаюцца на музыку, становяцца песнямі.

   • Народны п.

2. перан., чаго. Той, хто апявае што-н. (кніжн.).

   • П. рэвалюцыі.

|| ж. пяснярка, ✂.

|| прым. пяснярскі, ✂.

пясок, ✂, м.

1. Сыпкія часцінкі кварцу або іншых цвёрдых мінералаў.

   • Рачны п.
   • Жоўты п.
   • Будаваць на пяску што-н. (перан. на ненадзейнай аснове).
   • П. сыплецца з каго-н. (вельмі стары; разм. жарт.).

2. мн. -скі, -скоў. Прасторы, пакрытыя пяском.

   • Зыбкія пяскі.

3. Тое, што і цукровы пясок (разм.).

◊

• Цукровы пясок — цукар у дробных крупінках у адрозненне ад пілаванага, колатага.

|| памянш. пясочак, ✂.

|| прым. пясочны, ✂.

• П. колер (карычнева-жоўты).

пясочніца, ✂, ж.

1. Прылада, якая ўжывалася некалі для пасыпання пяском напісанага з мэтай прасушвання.

2. У паравозе: скрынка з пяском, які аўтаматычна высыпаецца на рэйкі, калі пачынаюць буксаваць колы (спецыяльны тэрмін).

3. Запоўненая пяском нізкая шырокая скрынка для дзіцячых гульняў.

   • П. ў двары.

пясочны, ✂.

1. гл. пясок.

2. Пра цеста і вырабы з яго: сухі і рассыпісты.

   • Пясочнае цеста.
   • П. торт.

пястун, ✂, м.

1. Той, хто любіць песціцца, балаўнік.

2. Той, каго вельмі песцяць, распешчваюць.

|| ж. пястуха, ✂.