Verbum

цяж, ✂, м.

1. Рэмень, трос, які служыць сродкам перадачы цяглавай сілы.

2. Рэмень ці вяроўка, нацягнутыя ад верхняга канца аглоблі да восі пярэдняга кола для выраўноўвання ходу павозкі.

|| прым. цяжавы, ✂.

цяжар, ✂, м.

1. Вага чаго-н., звычайна цяжкага.

   • Ц. ношы.

2. Груз вялікай вагі.

3. перан. Абавязкі, павіннасці, цяжкасці, звязаныя з якой-н. адказнасцю, непрыемнасцю і пад.

4. Адчуванне чаго-н. цяжкага, непрыемнага.

   • Непрыемны ц. адчуваўся ва ўсім целе.

цяжараць, ✂; незак. (разм.).

Станавіцца цяжарнай.

|| зак. зацяжараць, ✂.

цяжарнасць, ✂, ж.

Стан жанчыны (і жывародзячых наогул) у перыяд развіцця плода ў арганізме.

цяжарная, ✂, ж.

Якая носіць у сабе плод.

• Ц. жанчына.

цяжба, ✂, ж. (уст.).

Спрэчка двух бакоў перад судом; грамадзянская судовая справа.

• Ц. з суседам.

|| прым. цяжбавы, ✂.

цяжка...

Першая частка складаных слоў са знач. цяжка, дрэнна, з цяжкім, напр. цяжкавыканальны, цяжкавымоўны, цяжказразумелы, цяжкапраходнасць, цяжкачытэльны.

цяжкаатлет, ✂, м.

Спартсмен, які займаецца цяжкай атлетыкай.

цяжкаатлетычны, ✂.

Які мае адносіны да цяжкай атлетыкі.

• Цяжкаатлетычныя спаборніцтвы.

цяжкавагавік, ✂, м.

Спартсмен (барэц, баксёр, штангіст і пад.) цяжкай вагі.