Verbum

цуг, ✂, м.

Запрэжка, у якой коні, валы і пад. ідуць гужам або парамі адна за адной.

|| прым. цугавы, ✂.

• Цугавая запрэжка.

цугам, прысл.

1. Запрэжкай у дзве або тры пары, гужам.

2. Гужам, адзін за адным.

   • Жураўлі ляцелі ц.

цуглі, ✂.

Два металічныя звяны, якія прымацаваны да рамянёў вуздэчкі і служаць для закілзвання каня.

|| прым. цуглевы, ✂.

цуд, ✂, м.

1. Штосьці звышнатуральнае, выкліканае паводле рэлігійных уяўленняў боскай сілай.

   • Спадзявацца на ц. (калі няма выйсця, няма ратунку).
   • З цудаў ц.! (пра што-н. незвычайнае).

2. Нешта здзіўляючае сваёй незвычайнасцю.

   • Цуды гераізму.

3. вык. Надзвычайна добры, непараўнальны.

   • Пагода сёння — ц.!
   • Не кулеш, а — ц.!

◊

• Цуды ў рэшце (разм. жарт.) — пра што-н. незвычайнае або незразумелае.

• Цуда-юда — у казках: пачвара, страшыла.

цудадзей, ✂, м.

Вялікі майстар сваёй справы; той, хто ўмела, па-мастацку валодае чым-н.

• А які ён на кухні ц.!

|| ж. цудадзейка, ✂.

цудадзейны, ✂.

1. Незвычайнай сілы ўздзеяння, які творыць цуды.

   • Цудадзейнае лякарства.

2. Вельмі прыгожы, чароўны.

   • Цудадзейная музыка.

|| наз. цудадзейнасць, ✂.

цудам, прысл.

Незразумела як, незвычайным чынам, па шчаслівай выпадковасці.

• Ц. не спазніўся.
• Дом ц. уцалеў пасля бамбёжкі.

цудатворац, ✂, м.

1. У рэлігійных уяўленнях: бажаство, святы, што творыць цуды.

   • У кутку гарэла лампадка перад абразамі цудатворцаў.

2. перан. Той, хто робіць што-н. дзіўнае, надзвычайнае.

   • Гэта быў не проста ўрач, а сапраўдны ц.

цудатворны, ✂.

1. Які творыць цуды (у 1 знач.).

   • Цудатворная крынічка.

2. Які выклікае што-н. вельмі добрае, незвычайнае (кніжн.).

   • Ц. клімат.
   • Цудатворныя таблеткі.

|| наз. цудатворнасць, ✂.

цудоўны, ✂.

1. Які ўспрымаецца як цуд.

   • Цудоўнае выратаванне.

2. Выдатны, адмысловы; вельмі добры.

   • Ц. будынак.

3. Багата адораны прыродай.

   • Ц. паэт.

4. Вельмі прыгожы, маляўнічы.

   • Ц. краявід.
   • Ц. дзень.

5. Цікавы, захапляючы.

   • Цудоўная казка захапіла дзяцей.

6. Прыемны, дзіўны, мілагучны.

   • Ц. голас.
   • Ц. водар ліп.

7. Багаты, раскошны.

   • Ц. край.

|| наз. цудоўнасць, ✂.