Verbum

электразвано́к, -нка́, мн. -нкі́, -нко́ў, м.

Электрычны званок.

электразва́рка, -і, ДМ -рцы, ж.

1. Зварка металаў пры дапамозе электрычнай энергіі.

2. Электразварачны цэх; электразварачная ўстаноўка (разм.).

|| прым. электразва́рачны, -ая, -ае.

электразва́ршчык, -а, мн. -і, -аў, м.

Спецыяліст па электразварцы.

|| ж. электразва́ршчыца, -ы, мн. -ы, -чыц.

|| прым. электразва́ршчыцкі, -ая, -ае.

электракамі́н, -а, мн. -ы, -аў, м.

Камін, які працуе на электрычнай энергіі.

электрака́р, -а, м.

1. Тое, што і электрамабіль.

2. Самаходная бязрэйкавая цялежка, якая рухаецца пры дапамозе ўстаноўленага на ёй электрарухавіка, што сілкуецца ад акумулятараў (спец.).

электракра́н, -а, мн. -ы, -аў, м.

Пад’ёмны кран, які дзейнічае пры дапамозе электрарухавіка.

электралі́нія, -і, мн. -і, -ній, ж.

Канструкцыя, прылада з проваду, кабелю і электраарматуры для перадачы электраэнергіі.

Высакавольтная э.

электраля́мпавы, -ая, -ае.

Які мае адносіны да вырабу электрычных лямпаў.

Э. завод.

электралячэ́нне, -я, н.

Лячэнне шляхам уздзеяння на арганізм электрычнага току або электрамагнітнага поля.

|| прым. электралячэ́бны, -ая, -ае.

электрамабі́ль, -я, мн. -і, -яў, м.

Аўтамабіль з электрычным рухавіком.

|| прым. электрамабі́льны, -ая, -ае.