Verbum

ба́кеншчык, -а, мн. -і, -аў, м.

Вартаўнік пры бакенах.

Працаваць бакеншчыкам.

|| прым. ба́кеншчыцкі, -ая, -ае.

ба́кі, -аў, адз. ба́ка, -і, ж.

Тое, што і бакенбарды.

бакла́га, -і, ДМ -ла́зе, мн. -і, -ла́г, ж.

Тое, што і біклага.

|| прым. бакла́жны, -ая, -ае.

баклажа́н, -а, мн. -ы, -аў, м.

Паўднёвая аднагадовая агародная расліна сямейства паслёнавых, а таксама плод гэтай расліны сіняга або фіялетавага колеру.

|| прым. баклажа́навы, -ая, -ае.

Баклажанавая ікра.

бако́ўка, -і, ДМ -ко́ўцы, мн. -і, -ко́вак, ж.

Бакавы пакойчык у хаце; бакавая прыбудова пры чым-н.

Спаць у бакоўцы.

|| прым. бако́вачны, -ая, -ае.

Баковачнае акно.

баксёр¹, -а, мн. -ы, -аў, м.

Спартсмен, які займаецца боксам.

Б. цяжкай вагі.

|| прым. баксёрскі, -ая, -ае.

баксёр², -а, мн. -ы, -аў, м.

Парода службовых сабак з шырокімі мордай і грудзьмі, кароткай поўсцю.

|| прым. баксёрскі, -ая, -ае.

баксі́раваць, -рую, -руеш, -руе; незак.

Займацца боксам; весці бой па правілах бокса.

баксі́т, -у, М -сі́це, мн. -ы, -аў, м.

Алюмініевая руда.

|| прым. баксі́тавы, -ая, -ае.

бактэрыёлаг, -а, мн. -і, -аў, м.

Спецыяліст у галіне бактэрыялогіі.