Verbum

ін-ква́рта

(лац. in quarto = у чатыры столкі)

у чацвёртую частку аркуша (пра фармат кнігі).

ін-пла́на

(лац. in plano)

фармат выдання ў цэлы разгорнуты аркуш.

ін-фо́ліо

(лац. in folio = літар. у аркуш)

фармат кнігі, альбома або іншага выдання, калі старонка складае палавіну стандартнага папяровага аркуша (гл. таксама фаліянт 1).

іо́л

(гал. jol)

невялікае двухмачтавае паруснае судна з косымі парусамі.

іо́ла

(ням. Jolle)

вастраносая спартыўная яхта.

іо́льдыя

(н.-лац. yoldia)

марскі малюск класа двухстворкавых; жыве на мяккіх ілістых грунтах.

іо́н

(гр. ion = які ідзе)

электрычна зараджаны атам, які ўтвараецца ў выніку страты ці набыцця аднаго ці некалькіх электронаў.

іоналюмінесцэ́нцыя

(ад іон + люмінесцэнцыя)

люмінесцэнцыя, якая ўзбуджаецца пры бамбардзіраванні люмінафора іонамі.

іонатэрапі́я

(ад іон + тэрапія)

лячэнне ўвядзеннем у арганізм іонаў пры аэраіонатэрапіі або пры дапамозе гальванічнага току (іонтафарэз).

іонтафарэ́з

(ад іон + гр. phoreo = нясу)

лячэнне ўвядзеннем у арганізм лекавых рэчываў праз скуру пры дапамозе гальванічнага току, што выклікае перамяшчэнне іонаў.