Verbum

нотахо́рд

(ад гр. notos = спіна + chorde = струна)

гібкі шкілетны цяж уздоўж сярэдняй лініі спіннога боку эмбрыёнаў хордавых.

но́тыс

(англ. notice)

1) апавяшчэнне аб поўнай гатоўнасці судна да пагрузкі або разгрузкі;

2) апавяшчэнне аб пастаўцы рэальнага тавару паводле біржавога кантракту.

но́умен

(гр. noumenon = ахопленае розумам)

тое, што пазнаецца розумам у процілегласць дадзенаму ў пачуццях (феномену).

ноў-ха́ў

(англ. know-how ад know = ведаць + how = як)

1) сукупнасць тэхнічных ведаў і вопыту, неабходных для ажыццяўлення якога-н. вытворчага працэсу; кампетэнцыя, набытая працяглым вопытам;

2) камерцыйная, тэхнічная, тэхналагічная інфармацыя ў выглядзе спецыяльнай тэхнічнай дакументацыі, вытворчага вопыту.

ноцырэцэ́птары

(ад лац. noceo = пашкоджваю + рэцэптары)

адчувальныя нервовыя заканчэнні, якія ўспрымаюць болевыя раздражненні.

нувары́ш

(фр. nouveau riche = новы багач)

асоба, якая спрытна і хутка абагацілася на спекуляцыях.

нуві́стар

(ад іт. nuovo = новы + vista = выгляд)

звышмініяцюрная металакерамічная прыёмнаўзмацняльная лямпа; выкарыстоўваецца ў малагабарытнай радыёэлектроннай апаратуры павышанай надзейнасці.

нуга́

(фр. nougat, ад лац. nux = арэх)

кандытарскі выраб з салодкай арэхавай масы.

нуды́зм

(фр. nudisme, ад лац. nudus = голы)

прапаганда культу аголенага цела.

нуклеазі́ды

(ад лац. nucleus = ядро)

прыродныя і сінтэтычныя злучэнні, якія складаюцца з рэштак пурынавых або пірымідынавых асноў, звязаных з рыбозай, уваходзяць у склад нуклеатыдаў.