Verbum

хандрыёма

(ад гр. chondrion = зярнятка)

сукупнасць хандрыясамаў (мітахондрый), якія змяшчаюцца ў адной клетцы.

хандры́ла

(н.-лац. chondrilla, ад гр. chondrille)

травяністая расліна сям. складанакветных з прадаўгаватым лісцем і мяцёлчатым суквеццем, пашыраная ва ўмераных зонах; на Беларусі, пераважна на Палессі, расце на пясках у далінах рэк, барах і на абочынах дарог.

хандры́т​¹

(ад гр. chondros = храсток)

запаленне храстка.

хандры́т​²

(ад гр. chondros = зерне)

метэарыт, які складаецца з вялікай колькасці круглых мінеральных утварэнняў.

хандрыямі́ты

(ад гр. chondrion = зярнятка + mitos = нітка)

тое, што і мітахондрыі.

хандрыясо́мы

(ад гр. chondrion = зярнятка + сома)

тое, што і мітахондрыі.

ханінгава́ць

(англ. honing)

абточваць цыліндрычныя паверхні хонам.

ха́нцшыя

(н.-лац. hantzschia)

аднаклетачная дыятомавая водарасць сям. ніцшыевых, якая пашырана пераважна ў прэсных і саланаватых вадаёмах.

хао́с

(гр. chaos)

1) бязмерная прастора, бязмежная першабытная маса, з якой, паводле старажытнагрэчаскай міфалогіі, утварылася пасля ўсё існуючае;

2) перан. беспарадак, неразбярыха.

ха́ра

(н.-лац. chara, ад лац. chara = дзікая капуста)

мнагаклетачная водарасць сям. харавых, якая пашырана ў чыстых прэсных і саланаватых вадаёмах рознага тыпу.