Verbum

фесто́н

(фр. feston, ад іт. festone)

1) жывапісная або скульптурная аздоба ў выглядзе зубчастага або хвалістага ўзору, гірлянды;

2) адзін з выступаў круглай або зубчастай формы, якімі аблямоўваюцца краі фіранкі, шторы, сукенкі.

фестыва́ль

(фр. festival, ад лац. festivus = святочны)

грамадская ўрачыстасць, масавае свята з паказам лепшых твораў музычнага, тэатральнага, эстраднага, цыркавога або іншага віду мастацтва (напр. ф. мастацкіх фільмаў).

фета́льны

(ад лац. fetus = заплоднены)

тое, што і эмбрыянальны.

фетаме́трыя

(ад лац. fetus = патомства + -метрыя)

вызначэнне памераў плода і яго асобных частак (напр. шляхам рэнтгенаграфіі).

фетр

(фр. feutre)

лепшы гатунак лямцу, які ідзе на выраб капелюшоў, валёнак.

фе́ты

(гр. thetes)

немаёмасная частка свабоднага насельніцтва ў Стараж. Грэцыі.

феты́ш

(фр. fétiche, ад парт. feitiço = чары)

1) прадмет, які, паводле ўяўленняў вернікаў, надзелены звышнатуральнай сілай і служыць аб’ектам рэлігійнага культу;

2) перан. аб’ект сляпога пакланення.

фетышы́зм

(фр. fétichisme, ад парт. feitiço = амулет)

1) рэлігійнае пакланенне матэрыяльным прадметам — фетышам;

таварны ф. — арэчаўленне вытворчых адносін, якое ўзнікае ў таварнай гаспадарцы, заснаванай на прыватнай уласнасці;

2) перан. сляпое пакланенне чаму-н.

ф’еф

(фр. fief)

тое, што і феод.

фехра́ль

[ад лац. fe(rrum) = жалеза + хр(ом) + ал(юміній)]

гарачаўстойлівы сплаў з жалеза, хрому і алюмінію.