Verbum

са́рна

(польск. sarna)

парнакапытная жвачная жывёла сям. пустарогіх; горная каза з невялікімі рагамі.

сарсапары́ль

(ісп. zarzaparilla)

від смілаксу, пашыраны ў Кітаі; змяшчае сапаніны і выкарыстоўваецца ў медыцыне.

сарсуэ́ла

(ісп. zarzuela)

старадаўні жанр іспанскай оперы; лірычная п’еса, у якой спевы і танцы чаргаваліся з дыялогам.

сартыме́нт

(ням. Sortiment, ад фр. assortiment)

падбор прадукцыі па марках, профілях, памерах (пераважна ў дрэваапрацоўчай і металургічнай прамысловасці).

сарцы́ны

(лац. sarcina = вузел)

шарападобныя бактэрыі, якія ўтвараюць кубічныя пакетападобныя скапленні.

са́ры

(інд. sari)

жаночае адзенне ў выглядзе кавалка тканіны, абкручанага вакол цела і перакінутага цераз плячо.

са́рыса

(гр. sarisa)

доўгае кап’ё, якое было на ўзбраенні цяжкай пяхоты ў Стараж. Македоніі.

сары́т

(гр. sorites = нагрувашчаны, ад soros = куча)

складаны сілагізм, у якім падаецца толькі апошняя пасылка, а прамежкавыя пасылкі не называюцца, а маюцца на ўвазе.

сарэ́дыі

(н.-лац. soredium, ад гр. soros = груда, куча)

органы вегетатыўнага размнажэння некаторых лішайнікаў, якія складаюцца з адной або некалькіх клетак водарасці, акружаных грыбніцай.

сасафра́с

(англ. sassafras)

дрэўная расліна сям. лаўровых, пашыраная ў прыатлантычнай частцы Паўн. Амерыкі.