Verbum

макра́ргус

(н.-лац. macrargus)

павук сям. лініфіідаў, пашыраны ў Еўропе.

макрарэлье́ф

(ад макра- + рэльеф)

буйныя формы рэльефу зямной паверхні са значнымі ваганнямі вышынь (горы, пласкагор’і, раўніны і інш.); параўн. мегарэльеф, мезарэльеф, мікрарэльеф.

макрасейсмі́чны

(ад макра- + сейсмічны)

звязаны з моцным ваганнем зямной паверхні, якое адчуваецца людзьмі без спецыяльных прыбораў (параўн. мікрасейсмічны).

макрасісто́ма

(ад макра- + сістэма)

фізічная сістэма, якая складаецца з макрацел, даступных для ўспрымання органамі пачуццяў (параўн. мікрасістэма).

макраскапі́чны

(ад макра + гр. skopeo = гляджу)

бачны простым вокам, без мікраскопа (параўн. мікраскапічны).

макраспара́нгій

(ад макра + спарангій)

тое, што і мегаспарангій.

макраспарафі́л

(ад макраспора + -філ)

тое, што і мегаспарафіл.

макраспарыёзы

(ад макраспорый)

хваробы раслін, якія выклікаюцца паразітычнымі грыбамі роду макраспорый і праяўляюцца ў выглядзе розных па форме, велічыні і афарбоўцы плям; часцей за ўсё пашкоджваюць бульбу і памідоры.

макраспо́ра

(ад макра- + спора)

тое, што і мегаспора.

макраспо́рый

(н.-лац. macrosporium)

недасканалы грыб сям. дэмацыевых, які развіваецца на розных раслінных рэштках, паразітуе на бульбе і памідорах.