Verbum

макраструкту́ра

(ад макра + структура)

структура цвёрдых рэчываў, бачная простым вокам або пры невялікім павелічэнні (проціл. мікраструктура).

макрафа́гі

(ад макра- + -фаг)

клеткі злучальнай тканкі жывёльных арганізмаў, здольныя захопліваць і пераварваць бактэрыі і іншыя чужародныя арганізму часцінкі.

макрафатагра́фія

(ад макра- + фатаграфія)

фатаграфічны здымак структуры аб’екта, бачнай няўзброеным вокам (мінералаў, дэталей машын і інш.).

макрафа́уна

(адмакра- + фауна)

рэшткі выкапнёвых жывёльных арганізмаў, якія можна разгледзець простым вокам.

макрафі́л

(ад макра- + -філ)

тое, што і мегафіл.

макрафі́ты

(ад макра- + -фіты)

кветкавыя і споравыя расліны, прыстасаваныя да жыцця ў вадзе.

макрафло́ра

(ад макра- + флора)

рэшткі выкапнёвых раслінных арганізмаў, якія можна разгледзець простым вокам.

макрахло́рыс

(н.-лац. macrochloris)

аднаклетачная зялёная водарасць сям. гіпнаманадавых, якая трапляецца ў тарфяна-балотных глебах.

макрацы́сціс

(н.-лац. macrocystis)

бурая водарасць, пашыраная ў морах умераных зон, выкарыстоўваецца як угнаенне, сыравіна для атрымання штучнага валакна.

макрацыто́з

(ад макра- + -цытоз)

павышаная колькасць макрацытаў у крыві.