Verbum

мікраінтэрферо́метр

(ад мікра- + інтэрферометр)

прыбор для кантролю дакладнасці апрацоўкі паверхняў, вымярэння таўшчыні плёнак і інш.; спалучэнне мікраскопа і інтэрферометра.

мікраінфа́ркт

(ад мікра- + інфаркт)

дробнаачаговы інфаркт міякарда.

мікракалькуля́тар

(ад мікра- + калькулятар)

невялікі прыбор з электронна-вылічальным устройствам, разлічаны на выкананне арыфметычных дзеянняў.

мікракама́нда

(ад мікра- + каманда)

код адной або некалькіх мікрааперацый, якія выконваюцца на працягу аднаго элементарнага такта работы электронна-вылічальнай машыны.

мікракапсулі́раванне

(ад мікра- + лац. capsula = каробачка)

стварэнне тонкай трывалай абалонкі вакол асобных цвёрдых часцінак або кропляў вадкасці; выкарыстоўваецца пры вытворчасці лякарстваў, каталізатараў і інш.

мікракарата́ж

(ад мікра- + каратаж)

метад даследавання геалагічнага разрэзу ў буравой свідравіне шляхам вымярэння электрычнага супраціўлення горных парод.

мікрака́тар

[ад мікра- + (інды)катар]

прыбор для вымярэння кантактным метадам лінейных памераў вырабаў.

мікракінематагра́фія

(ад мікра- + кінематаграфія)

кінематаграфічная здымка з выкарыстаннем мікраскопа.

мікраклі́мат

(ад мікра- + клімат)

1) клімат невялікага ўчастка пэўнага геаграфічнага ландшафту, абумоўлены асаблівасцямі мясцовасці (параўн. макраклімат);

2) перан. узаемаадносіны, умовы працы ў невялікім калектыве, у сям’і.

мікракліматало́гія

(ад мікра- + кліматалогія)

раздзел кліматалогіі, які даследуе мікраклімат.