Verbum

бур Невялікае ўзвышша, якое парасло лесам (Палессе Талст.).

бурало́м

1. Паламаны бурай лес (БРС).

2. Вялікая бура з дажджом і громам (Ветк.).

бу́рва Хваля, вадзяны грэбень, падняты ветрам (Гом. пав. Рам. 1912, 178).

бурва́лак Невялікі ўзгорачак, сухое месца на нізіне (Маладз.).

бургу́н Курган, узгорак; купіна, грудок (Мсцісл. Юрч. НС, 230).

бу́рці́шча Месца, дзе стаяў бурт бульбы, гною (Слаўг.).

бурча́ Топкае месца (Лід. Араш., 92).

бурча́к Частка ракі з хуткім цячэннем; быстры ручай (Глуск. Янк. I, Палессе Талст.).

бур'я́н

1. Месца, якое парасло бур'янам, пустазеллем (Слаўг.). Тое ж бурыя́н (Слаўг.), бур'яні́на (Грыг. 1850).

2. Навальніца з вялікім ветрам; бура (Стол.).

бут Яма, траншэя з каменнямі; каменны падмурак печы ў хаце (Слаўг.).