Беларускія геаграфічныя назвы. Тапаграфія. Гідралогія. (І. Яшкін, 1971, правапіс да 2008 г.)

Прадмова ∙ Скарачэнні ∙ Кніга ў PDF/DjVu
абвгдеёжзіклмнопрстуфхцчшюя

на́сып Штучнае земляное ўзвышэнне; курган (БРС). Тое ж на́гарт, на́саў, на́гартнішча (Слаўг.).

на́тап Конскі след на дарозе, дзе ступае конь, запрэжаны ў воз (Слаўг.), на засеяным полі (Краснап. Бяльк.). Тое ж тор, топ, следаві́шча (Слаўг.).

на́ўзбалацце Месца ўздоўж балота (Слаўг.). Тое ж наўзболацце, наўзбалаццё, наўзбалатві́шча, напаўзбалотвічча, лякалябалотнічча, наўзпаўзбалатоўе (Слаўг.).

на́ўзберажжа Месца ўздоўж берага ракі, возера (Слаўг.). Тое ж наўзбярэжжа, напанаўзбе́ражжа (Слаўг.).

наўзва́лле Месца каля падэшвы гары, дзе звычайна бывае сенажаць (Слаўг.). Тое ж навызва́лічча (Слаўг.).

наўзго́рнічча Месца каля вяршыні гары (Слаўг.).

наўззазе́р'е Узвышанае месца каля возера (Слаўг.). Тое ж наўзвазяры́шча (Слаўг.).

наўзлу́жжа Месца ўздоўж лугу (Слаўг.). Тое ж наўзлу́жышча, наўзлу́зенне (Слаўг.).

наўзро́вічча Месца ўздоўж рова, яра, канавы (Слаўг.). Тое ж наўзроўе, напаўзровішча (Слаўг.).

наўко́ссе Схіл, бок пагорка (Уш.). Тое ж наўкос, наўскасіна, наўсхонасць (Слаўг.).