Verbum

рэсу́рсы, ‑аў; адз. рэсурс, ‑у, м.

Запасы, крыніцы чаго‑н. Харчовыя рэсурсы. Прыродныя рэсурсы. // Грашовыя сродкі. Падлічылі свае рэсурсы: было роўна тысяча рублёў. Ваданосаў.

рэтарда́цыя, ‑і, ж.

Кампазіцыйны прыём у літаратурна-мастацкім творы, які заключаецца ў запавольванні развіцця сюжэта ўвядзеннем лірычных адступленняў, апісанняў і пад.

[Ад лац. retardatio — запавольванне, затрымка.]

рэто́рсія, ‑і, ж.

Абмежавальныя меры (павышэнне таможных пошлін, адмаўленне ў допуску на сваю тэрыторыю чужаземцаў і пад.) адной дзяржавы ў адказ на аналагічныя дзеянні другой дзяржавы з мэтай прымусіць апошнюю адмовіцца ад іх.

[Лац. retorsio.]

рэто́рта, ‑ы, ДМ ‑рце, ж.

Пасудзіна з доўгім адагнутым убок горлам для перагонкі вадкасцей.

[Ад лац. retorta — павернутая назад.]

рэто́ртны, ‑ая, ‑ае.

Які мае адносіны да рэторты. Рэтортная печ.

рэтрагра́д, ‑а, М ‑дзе, м.

Праціўнік прагрэсу, рэакцыянер. — У цікавы час мы жывём, — прамовіў Дым. Яму прыемна слухаць разважанні Астахава, што без чалавека авіяцыя не абыдзецца, але ж і рэтраградам нельга быць. Алешка.

[Ад лац. retrogradus — які ідзе назад.]

рэтрагра́дка, ‑і, ДМ ‑дцы; Р мн. ‑дак; ж.

Жан. да рэтраград.

рэтрагра́дны, ‑ая, ‑ае.

Кніжн. Які мае адносіны да рэтраграда, уласцівы яму; рэакцыйны. Рэтраградныя думкі. // Які з’яўляецца рэтраградам.

рэтрагра́дскі, ‑ая, ‑ае.

Які мае адносіны да рэтраграда, уласцівы яму. Рэтраградскі доказ.

рэтранслі́равацца, ‑руецца; незак.

Зал. да рэтрансліраваць.