Verbum

рэарганізава́ны, ‑ая, ‑ае.

Дзеепрым. зал. пр. ад рэарганізаваць.

рэарганізава́цца, ‑зуецца; зак. і незак.

1. Змяніцца (змяняцца) у структуры, арганізацыі, ператварыцца (ператварацца).

2. толькі незак. Зал. да рэарганізаваць.

рэарганізава́ць, ‑зую, ‑зуеш, ‑зуе; зак. і незак., што.

Унесці (уносіць) змены ў структуру, арганізацыю чаго‑н.; ператварыць (ператвараць). Рэарганізаваць партызанскі атрад у брыгаду. □ — Рзарганізавалі МТС, калгасы купілі машыны, няхай бы самі калгасы і рамонтам займаліся, — заўважыў Павел. Гроднеў.

рэарганіза́тар, ‑а, м.

Той, хто займаецца рэарганізацыяй.

рэарганізацы́йны, ‑ая, ‑ае.

Які мае адносіны да рэарганізацыі. Рэарганізацыйны перыяд.

рэарганіза́цыя, ‑і, ж.

Змена структуры, арганізацыі чаго‑н.; перабудова, ператварэнне чаго‑н. у што‑н. Рэарганізацыя МТС. Рэарганізацыя Інбелкульта ў Акадэмію навук. □ Што датычыць Мікалая Герасіменкі і Дзмітрыя Вухарына, то гэтыя маладыя шахцёры з першых жа дзён рэарганізацыі брыгад сталі кіраваць праходчыцкімі звеннямі. Кулакоўскі.

рэарганізо́ўвацца, ‑аецца; незак.

1. Змяняцца ў структуры; перабудоўвацца; ператварацца ў што‑н.

2. Зал. да рэарганізоўваць.

рэарганізо́ўваць, ‑аю, ‑аеш, ‑ае; незак., што.

Змяняць у структуры; перабудоўваць, ператвараць.

рэаста́т, ‑а, М ‑стаце, м.

Электрычны прыбор, які рэгулюе сілу току або напружання ў электрычным ланцугу.

[Грэч. rheos — цячэнне і statós — нерухомы.]