Verbum

супрацьалкаго́льны, ‑ая, ‑ае.

Накіраваны супраць ужывання алкаголю. Супрацьалкагольная кампанія. // Прызначаны для барацьбы з алкагалізмам. Супрацьалкагольныя сродкі.

супрацьа́тамны, ‑ая, ‑ае.

Прызначаны для абароны ад уздзеяння атамнай зброі.

супрацьбактэрыялагі́чны, ‑ая, ‑ае.

У выразе: супрацьбактэрыялагічная абарона — комплекс мер, накіраваных на абарону войск і насельніцтва ад уздзеяння бактэрыялагічнай зброі.

супрацьбо́левы, ‑ая, ‑ае.

Які здымае або аслабляе боль. Супрацьболевае дзеянне лякарства.

супрацьбо́рства, ‑а, н.

Кніжн. Змаганне, барацьба з кім‑, чым‑н.; супраць каго‑, чаго‑н.; супраціўленне каму‑, чаму‑н.

супрацьбо́рстваваць, ‑ствую, ‑ствуеш, ‑ствуе; незак.

Кніжн. Змагацца з кім‑, чым‑н., супраць каго‑, чаго‑н.; супрацьдзейнічаць каму‑, чаму‑н. Супрацьборстваваць рэакцыйным сілам.

супрацьва́га, ‑і, ДМ ‑вазе, ж.

1. Груз, які прымяняецца для ўраўнаважвання сілы інерцыі, цяжару. Супрацьвага лопасці. // У радыётэхніцы — зазямленне з дроту для знадворных антэн. [Радыст] хутка разгарнуў рацыю, закінуў на елку Антону, нацягнуў супрацьвагу і пачаў працаваць. Ваданосаў.

2. перан. Тое, што супрацьдзейнічае чаму‑н. або ўраўнаважвае што‑н. Пасля эстраднай музыкі з яе сучаснымі імпульсіўнымі рытмамі .., з яе характарам, што ўзбуджае .. нервы, так карысна .. у якасці эмацыянальнай і інтэлектуальнай супрацьвагі, апынуцца ў свеце бахаўскай музыкі. «ЛіМ».

супрацьвенеры́чны, ‑ая, ‑ае.

Прызначаны для барацьбы з венерычнымі захворваннямі. Супрацьвенерычныя сродкі.

супрацьга́завы, ‑ая, ‑ае.

Прызначаны для засцеражэння ад уздзеяння атрутных газаў. Супрацьгазавая маска.

супрацьглі́ставы, ‑ая, ‑ае.

Прызначаны для барацьбы з, глістамі, для знішчэння, глістоў. Супрацьгліставыя сродкі.