Verbum

яр, ✂, м.

Круты бераг, роў, лагчына.

• Глыбокі я.

яравізаваць, ✂; зак. і незак.

Падвергнуць (-вяргаць) насенне апрацоўцы, якая паскарае працэс яго росту і выспявання.

|| наз. яравізацыя, ✂.

яравы, ✂.

1. Пра злакі: які высяваецца вясной і выспявае летам ці восенню ў год сяўбы.

   • Яравая пшаніца.
   • Уборка яравых (наз.).

2. Засеяны такімі злакамі.

   • Я. палетак.

яранга, ✂, ж.

Пераноснае жыллё з канічным дахам у некаторых народаў паўночна-ўсходняй Сібіры.

• Я. аленяводаў.

|| прым. ярангавы, ✂.

ярд, ✂, м.

Англійская мера даўжыні, роўная 91,44 см.

ярка​¹, ✂, ж.

Маладая авечка, якая яшчэ не ягнілася.

|| памянш. ярачка, ✂.

ярка​², ✂, ж. (разм.).

Яравая пшаніца.

ярка... і ярка-...

Першая частка складаных слоў са знач.:

• 1) яркі (у 1 знач.), з яркім, напр. яркавокі, яркасвятлівы;
• 2) яркі (у 2 знач.), напр. яркаафарбаваны, ярка-стракаты, ярка-чырвоны.

яркі, ✂.

1. Які вылучае моцнае святло, асляпляльны, зіхатлівы.

   • Яркае святло.
   • Я. агонь.
   • Яркае сонца.
   • Ярка (прысл.) гарэць.

2. Пра колер: рэзкі па чысціні і свежасці тону.

   • Я. колер.
   • Яркая зеляніна.

3. перан. Выдатны ў якіх-н. адносінах.

   • Я. талент.
   • Яркая дата.
   • Ярка (прысл.) адлюстраваць.

|| наз. яркасць, ✂.

ярлык, ✂, м.

1. У 13—15 стст. на Русі: грамата, пісьмовы загад ханаў Залатой Арды.

2. Лісток на чым-н. з указаннем назвы, колькасці, месца вырабу, нумара і пад.

   • Багажны я.
   • Бутэлечны я.

3. перан. Шаблонная, стандартная (звычайна адмоўная), надта кароткая характарыстыка, ацэнка каго-, чаго-н.

   • Гатовыя ярлыкі.
   • Прыклеіць я. каму-н.

|| памянш. ярлычок, ✂.

|| прым. ярлычны, ✂.