Verbum

дзесяты, ✂.

1. гл. дзесяць.

2. дзесятая. Які атрымліваецца пры дзяленні на дзесяць.

   • Дзесятая частка.
   • Адна дзесятая (наз.).

дзесяцера, ✂; ліч., зб.

1. З назоўнікамі мужчынскага і ніякага роду, што абазначаюць асоб, з разам узятымі асабовымі назоўнікамі мужчынскага і жаночага роду, з назоўнікамі л., якія абазначаюць жывых істот абодвух полаў, з ас. займ. мн. л. і без залежнага слова: колькасць дзесяць.

   • Д. сыноў.
   • Д. сірот.
   • Іх там працавала д.: шэсць мужчын і чатыры жанчыны.
   • Д. свіней.
   • Нас было д.
   • Усё дзелім на дзесяцярых.

2. З назоўнікамі, якія абазначаюць маладых істот: колькасць дзесяць.

   • Д. дзяцей.
   • Д. цялят.

3. звычайна Н і В. З множналікавымі назоўнікамі: дзесяць прадметаў.

   • Д. нажніц.
   • Д. саней.
   • Д. сутак.

4. З некаторымі назоўнікамі, якія абазначаюць прадметы і існуюць або носяцца ў пары: дзесяць пар.

   • Д. ботаў.
   • Мароз такі, што хоць д. рукавіц надзявай.

◊

• За дзесяцярых — так, як могуць толькі дзесяцера.

• Працаваць за дзесяцярых.

дзесяці...

Першая частка складаных слоў са знач.:

1. што змяшчае дзесяць якіх-н. адзінак, напр. дзесяцірублёвы, дзесяцітонны, дзесяціствольны;
2. які адносіцца да дзесяці, да дзесятага, напр. дзесяцігадзінны (цягнік), дзесяцікласнік.

дзесяціборац, ✂, м.

Спартсмен, удзельнік дзесяціборства.

дзесяціборства, ✂, н.

Спартыўнае спаборніцтва па дзесяці відах лёгкай атлетыкі.

дзесяцігоддзе, ✂, н.

1. Тэрмін у дзесяць год.

2. чаго. Гадавіна падзеі, што адбылася дзесяць год таму назад.

   • Д. інстытута (дзесяць год са дня заснавання).

|| прым. дзесяцігадовы, ✂.

дзесяцігодка, ✂, ж. (разм.).

Поўная сярэдняя школа з дзесяццю гадамі навучання.

• Скончыць дзесяцігодку.

дзесяцідзёнка, ✂, ж. (разм.).

Прамежак часу ў дзесяць дзён, дэкада.

|| прым. дзесяцідзённы, ✂.

дзесяцікапеечны, ✂.

1. Вартасцю ў дзесяць капеек.

   • Дзесяцікапеечная манета.

2. Коштам у дзесяць капеек.

   • Д. канверт.

дзесяцікласнік, ✂, м.

Вучань дзесятага класа.

|| ж. дзесяцікласніца, ✂.