Verbum

воплескі, ✂.

Апладысменты ў знак прывітання, адабрэння.

• Вітаць юбіляра воплескамі.

вопратка, ✂, ж.

Верхняе адзенне.

• Цёплая в.
• Святочная в.

вопыт, ✂, м.

1. Адлюстраванне ў свядомасці людзей законаў аб’ектыўнага свету і грамадскай практыкі, атрыманае ў выніку іх актыўнага практычнага пазнання.

   • Пачуццёвы в.

2. Сукупнасць ведаў і практычна засвоеных звычак.

   • Жыццёвы в.
   • В. будаўніцтва.

3. Узнаўленне якой-н. з’явы эксперыментальным шляхам, стварэнне чаго-н. новага ў пэўных умовах з мэтай даследавання, выпрабавання.

   • Хімічныя вопыты.
   • Вопыты калекцыянераў.

4. Спроба ажыццявіць што-н., пробнае ажыццяўленне чаго-н.

   • Першы в. маладога пісьменніка.

|| прым. вопытны, ✂.

вопытны, ✂.

1. гл. вопыт.

2. Які мае вопыт (у 2 знач.).

   • Вопытныя кадры.
   • В. чалавек.
   • Вопытная вока (спрактыкаванае, натрэніраванае).

|| наз. вопытнасць, ✂.

вораг, ✂, м.

1. Той, хто знаходзіцца ў стане варожасці з кім-н., непрыяцель.

   • Закляты в.

2. Ваенны праціўнік, непрыяцель.

   • В. разбіты.

3. каго. Прынцыповы праціўнік чаго-н.

   • В. алкаголю.

|| прым. варожы, ✂.

• В. стан.

ворны, ✂.

Прыгодны для ворыва.

• Ворная зямля.

ворс, ✂, м.

Кароткі густы пушок на паверхні некаторых тканін, а таксама некаторых гатункаў скур.

• Сукно з ворсам.

|| прым. ворсавы, ✂.

• Ворсавыя тканіны.

ворчык, ✂, м.

Прыстасаванне для прыпрэжкі каня ў дапамогу каранніку.

• Хадзіць на ворчыку.

|| прым. ворчыкавы, ✂.

восем, ліч.

Лік, лічба і колькасць 8.

|| парадкавы ліч. восьмы, ✂.

восемдзесят, ліч.

Лік, лічба і колькасць 80.

• Пад в. каму-н. (хутка будзе 80 гадоў).

|| парадкавы ліч. васьмідзесяты, ✂.