Verbum

тра́нты, -аў (разм.).

1. Лахманы, старая падраная адзежа, бялізна.

2. Пра жаночыя ўборы (неадабр.).

Кожны дзень новыя т. купляе.

траншэ́я, -і, мн. -і, -шэ́й, ж.

1. Роў, канава, прызначаныя для захоўвання, укладкі чаго-н.

Т. для закладкі водаправодных труб.

Сіласная т.

2. Вузкі глыбокі роў з брустверам, які злучае ў адну лінію ўсе агнявыя пункты абароны.

|| прым. траншэ́йны, -ая, -ае.

трап¹, -а, мн. -ы, -аў, м.

Лесвіца на караблі, а таксама перасоўная лесвіца для выхаду з самалёта і пасадкі.

Да самалёта падалі т.

трап², -а, мн. -ы, -аў, м. (спец.).

Адтуліна ў падлозе для сцёку вады і спуску яе ў каналізацыю.

трапа́льны, -ая, -ае.

Прызначаны для трапання валакна.

Трапальная машына.

трапа́льня, -і, мн. -і, -лень і -льняў, ж.

Памяшканне для трапання валакна.

трапа́льшчык, -а, мн. -і, -аў, м.

Рабочы, які займаецца трапаннем валакна.

|| ж. трапа́льшчыца, -ы, мн. -ы, -чыц.

трапа́ны, -ая, -ае.

Ачышчаны ад кастрыцы (пра валакно).

Т. лён.

трапа́р, -а́, мн. -ы́, -о́ў, м.

Малітоўнае песнапенне ў гонар якога-н. свята ці святога.

трапасфе́ра, -ы, ж. (спец.).

Ніжні слой зямной атмасферы.

|| прым. трапасфе́рны, -ая, -ае.