Verbum

зачэ́рпнуць, -ну, -неш, -не; -ні; -нуты; зак., што і чаго.

Тое, што і зачэрпаць.

зачэ́рчваць гл. зачарціць.

зачэ́сваць¹ гл. зачасаць¹.

зачэ́сваць² гл. зачасаць².

зашавялі́цца, -вялю́ся, -ве́лішся, -ве́ліцца; зак.

1. Пачаць шавяліцца, прыйсці ў рух.

Лісце на дрэвах зашавялілася.

2. Пачаць мітусліва рухацца.

У кучы гною зашавяліліся жукі.

3. Праявіць актыўнасць.

Народ зашавяліўся.

зашавялі́ць, -вялю́, -ве́ліш, -ве́ліць; зак., чым.

Пачаць шавяліць.

З. пальцамі.

зашалудзі́вець гл. шалудзівець.

заша́стаць, -аю, -аеш, -ае; зак.

Пачаць шастаць.

Нехта ў кустах зашастаў.

зашклі́ць, -лю́, -лі́ш, -лі́ць; -лі́м, -ліце́, -ля́ць; -лёны; зак., што.

Уставіць шкло, шыбу ў раму.

З. вокны.

зашко́дзіць, 1 і 2 ас. не ўжыв., -дзіць; зак., каму-чаму і без дап.

1. Прынесці шкоду каму-, чаму-н.

Лішняя капейка нікому не зашкодзіць.

2. Шкодна адбіцца на чым-н.

Агуркам зашкодзілі халады.