Verbum

ля́мус

(польск. lamus, lemus, ад с.-в.-ням. lem-hus = гліняны будынак)

мураваны або драўляны будынак для зберагання гаспадарчых прылад, збожжа, прадуктаў.

лянзі́тэс

(н.-лац. lenzites)

губавы базідыяльны грыб сям. порыевых, які расце на адмерлай драўніне лісцевых парод, выклікае белую гніль.

ля́ні

(фін. lääni)

асноўная адміністрацыйна-тэрытарыяльная адзінка ў Фінляндыі.

ля́піс

(лац. lapis = камень)

азотнакіслае серабро, крышталічны парашок, які выкарыстоўваецца ў медыцыне як процізапаленчы сродак.

ляпі́ста

(н.-лац. lepista)

шапкавы базідыяльны грыб сям. радоўкавых, які расце на подсціле і гумуснай глебе ў лясах, парках, садах; ядомы.

ля́піс-лазу́рак

(ад лац. lapis = камень + lazur = блакіт)

тое, што і лазурыт.

ля́псус

(лац. lapsus = падзенне, няправільны крок)

грубая, недарэчная памылка.

ляпто́брыум

(н.-лац. leptobryum)

лістасцябловы мох сям. брыевых, які трапляецца на сырой, гліністай, пясчанай глебе ў лагчынах, лясах, на гнілой драўніне, балотах, палях, каменных сценах.

лярд

(англ. lard)

топленае свіное сала.

ляске́я

(н.-лац. leskea)

лістасцябловы мох сям. ляскеевых, які трапляецца на ствалах дрэў, часам на камянях у цяністых лясах.