Verbum

мегакало́рыя

(ад мега- + калорыя)

адзінка колькасці цяпла, роўная мільёну калорый.

мегакарыяцы́ты

(ад мега + гр. karyon = ядро + -цыты)

буйныя клеткі касцявога мозгу, якія ўтвараюць трамбацыты.

мегако́лан

(ад мега- + гр. kolon = тоўстая кішка)

паталагічнае павелічэнне таўшчыні кішкі з наступным развіццём ачаговага запалення і атрафіі слізістай абалонкі.

мегала-

(гр. megas, -alu = вялікі)

першая састаўная частка складаных слоў, якая выражае паняцце «гіганцкі».

мегалабла́сты

(ад мегала- + бласты)

чырвоныя крывяныя клеткі зародкаў вышэйшых пазваночных на ранніх стадыях развіцця, буйныя, здольныя да дзялення.

мегалаза́ўр

(ад мегала- + -заўр)

буйны драпежны дыназаўр з групы карназаўраў, які жыў у мезазоі.

мегалама́нія

(ад мегала- + манія)

манія вялікасці.

мегалапланкто́н

(ад мегала- + планктон)

самыя буйныя (больш за 1 м) арганізмы планктону.

мегалацы́ты

(ад мегала- + -цыты)

чырвоныя крывяныя клеткі зародкаў вышэйшых пазваночных на позніх стадыях развіцця, якія ўтвараюцца ў выніку дыферэнцыроўкі мегалабластаў.

мегалацэфа́лія

(ад мегала + -цэфалія)

тое, што і макрацэфалія.