Verbum

тацытро́н

[ад лац. taci(tus) = таемны, ціхі + -трон]

разнавіднасць тыратрона.

тацэ́т

(іт. tazzetta = чашачка)

культурны від нарцыса.

ташы́зм

(ад фр. tache = пляма)

фармалістычная плынь у жывапісе 20 ст., разнавіднасць абстракцыянізму.

таэ́ль

(англ. tael, ад малайск. tahil = вага, цяжар)

грашовая адзінка Кітая з 14 ст. да 1933 г.

твіст

(англ. twist)

1) парны танец амерыканскага паходжання з характэрнымі рухамі бёдраў;

2) музыка, песня ў рытме гэтага танца.

тві́стар

(англ. twistor, ад twist = паварочваць, выгінаць)

запамінальны элемент у аўтаматыцы і вылічальнай тэхніцы, адрэзак дроту з магнітнай паверхняй, намагнічванне якога праходзіць па вінтавой лініі.

тладыя́нта

(н.-лац. thladiantha)

травяністая расліна сям. гарбузовых з лазячымі сцёбламі, чаранковым лісцем і жоўтымі адзіночнымі або ў гронках кветкамі, пашыраная ў Паўд.-Усх. Азіі; на Беларусі вырошчваецца як дэкаратыўная павойная.

то́га

(лац. toga)

доўгі мужчынскі плашч без рукавоў, які насілі старажытнарымскія паўнапраўныя грамадзяне.

то́дэс

(ад ням. Tod = смерць)

элемент у парным фігурным катанні на каньках, калі партнёрка апісвае вакол партнёра, які трымае яе за руку, круг на адным каньку пры становішчы цела амаль паралельна лёду.

той

(цюрк. toj)

свята, якое суправаджаецца банкетам, музыкай, танцамі, у народаў Сярэд. Азіі.