Verbum

ху́нта

(ісп. junta = літар. сход, аб’яднанне)

1) назва розных грамадска-палітычных аб’яднанняў і груповак у Іспаніі і краінах Лац. Амерыкі;

2) выканаўчы ўрадавы орган у некаторых лацінаамерыканскіх краінах;

3) ваенны рэакцыйны ўрад, які прыйшоў да ўлады ў выніку дзяржаўнага перавароту.

хунху́зы

(кіт. hung hu-cy = чырвоныя бароды)

удзельнікі грабежніцкіх банд у Кітаі пач. 20 ст.

хура́л

(манг. chural)

выбарны орган вярхоўнай і мясцовай улады ў Манголіі.

хурма́

(цюрк. hurma, ад перс. hurmā = фінік)

дрэвавая або кустовая расліна сям. эбенавых, пашыраная ў тропіках і субтропіках, а таксама аранжава-чырвоны салодкі плод гэтай расліны.

хэнд

(англ. hand = далонь)

адзінка даўжыні ў англійскай сістэме мер, роўная 10,16 см.

хэ́пенінг

(англ. happening = якое здараецца)

від сцэнічнага дзеяння, што зарадзіўся ў 1950-я гады ў ЗША, для якога характэрны парадаксальнасць і наўмысная бязмэтавасць, разлік на шырокую імправізацыю.

цаізі́т

(ад славен. Zois = прозвішча славен. асветніка)

мінерал класа сілікатаў у выглядзе зярністых агрэгатаў шэрага, зялёнага, ружовага, чырвонага або бурага колеру са шкляным бляскам, структурай аналагічны эпідоту.

цаланла́к

(ням. Zaponlack)

празрысты цэлюлозны лак для пакрыцця металічных вырабаў.

ца́ля

(польск. cal, ад ням. Zoll)

1) мера даўжыні ў даўняй Польшчы і Вялікім княстве Літоўскім, роўная 2,54 см;

2) мера таўшчыні дошак, роўная 16 мм.

ца́нга

(ням. Zange)

прыстасаванне для зажыму заціскання цыліндрычных або прызматычных прадметаў у металарэжучых станках, прыборах і інш.