Verbum

хасема́нія

(н.-лац. hasemania)

рыба атрада карпападобных, якая пашырана ў вадаёмах трапічных лясоў Бразіліі; вядома як акварыумная.

хасіды́зм

(ад ст.-яўр. chasid = набожны)

рэлігійна-містычная плынь у іудаізме, якая ўзнікла ў 18 ст. як выражэнне пратэсту веруючых яўрэяў супраць засілля рабінаў.

ха́ўбек

(англ. half-back, ад half = напалову + back = абаронца)

паўабаронца ў футболе і хакеі.

хаўта́йм

(англ. half-time, ад half = напалову + time = час)

палавіна гульні (45 мінут) у футболе і хакеі.

хаўту́ры

(с.-лац. chartularium = памінальны спіс нябожчыкаў)

абрад провадаў нябожчыка для пахавання, а таксама жалобны стол, абед па нябожчыку.

хачбо́т

(англ. hatch-boat, ад hatch = люк + boat = лодка)

невялікае паруснае грузавое судна з люкамі і палубай, якую пры патрэбе можна разбіраць.

хе́дар​¹

(англ. header)

рабочая частка збожжаўборачнага камбайна.

хе́дар​²

(ст.-яўр. cheder = хата)

яўрэйская пачатковая рэлігійная школа для хлопчыкаў.

хедж

(англ. hedge)

тэрміновая здзелка, заключаная для страхоўкі ад магчымага змянення цэн.

хе́джэр

(англ. hedger)

прадпрыемства, банк, фермер або іншы гаспадарчы суб’ект, які ажыццяўляе хедж.