Verbum

філо́іды

(ад гр. phyllon = ліст + -оід)

лістападобныя вырасты ў ніжэйшых і вышэйшых споравых раслін.

філо́лаг

(гр. philologos)

спецыяліст у галіне філалогіі.

філо́м

(ад гр. phyllon = ліст)

агульны тэрмін для абазначэння ўсіх органаў ліставога паходжання (лістоў, калючак, спарафілаў і інш.).

філо́саф

(гр. philosophos)

1) спецыяліст у галіне філасофіі, мысліцель, які распрацоўвае пытанні светапогляду;

2) перан. чалавек, які ўдумліва адносіцца да жыцця.

філс

(ар. fils)

разменная манета Алжыра і Ірака, роўная 1/1000 дынара.

фі́лум

(ад гр. phyle = племя, род, від)

група арганізмаў з агульным планам будовы.

філумені́ст

(ад гр. phileo = люблю + лац. lumen = святло)

той, хто займаецца філуменіяй.

філумені́я

(ад гр. phileo = люблю + лац. lumen = святло)

калекцыяніраванне запалкавых этыкетак.

фільдэко́с

(фр. fil d’Ecosse = шатландская нітка)

кручаная баваўняная пража, якая ідзе на трыкатажныя вырабы (гл. таксама фільдэперс).

фільдэпе́рс

(фр. fel de Perse = персідская нітка)

шаўковая пража, падобная да фільдэкосу, але лепш апрацаваная, якая ідзе на трыкатажныя вырабы.