Verbum

тэтрагана́льны

(н.-лац. tetragonalis, ад гр. tetragonos = чатырохвугольны)

чатырохвугольны.

тэтрагна́та

(н.-лац. tetragnatha)

павук сям. тэтрагнатавых, які жыве ў траве і хмызняках па берагах вадаёмаў; актыўны драпежнік, знішчае мух, пільшчыкаў, вусачоў.

тэтраго́н

(гр. tetragonon, ад tetras = чатыры + gonia = вугал)

чатырохвугольнік.

тэтракла́дый

(н.-лац. tetracladium)

недасканалы грыб сям. маніліевых, які развіваецца ў прэснай вадзе на гнілым лісці.

тэтрако́кі

(ад тэтра- + кокі)

шарападобныя бактэрыі, якія ўтвараюць сукупнасці, што складаюцца з чатырох клетак, размешчаных на адной плоскасці.

тэтрала́нтас

(н.-лац. tetrallanthos)

каланіяльная зялёная водарасць сям. сцэнедэсмавых, якая трапляецца ў планктоне прэсных вадаёмаў.

тэтралі́н

[ад тэтра- + (нафта)лін]

арганічнае злучэнне, бясколерная вадкасць, якая выкарыстоўваецца як растваральнік тлушчаў, смол.

тэтрало́гія

(гр. tetralogia)

чатыры літаратурныя або музычныя творы аднаго аўтара, звязаныя адзінствам задумы і пераемнасцю сюжэта.

тэтраме́рас

(н.-лац. tetrameres)

гельмінт класа нематодаў, паразітуе ў слізістай абалонцы страўніка свойскіх птушак.

тэтрамеро́зы

(ад тэтрамерас)

глісныя хваробы птушак, якія выклікаюцца тэтрамерасам.