Verbum

рэнтгено́метр

(ад рэнтгена- + -метр)

прыбор для вымярэння колькасці рэнтгенаўскага выпрамянення ў рэнтгенах.

рэнтге́н-эквівале́нт

(ад рэнтген + эквівалент)

1) колькасць іанізуючага выпрамянення, эквівалентная па свайму біялагічнаму дзеянню аднаму рэнтгену рэнтгенаўскага або гама-выпрамянення;

2) доза іанізуючага выпрамянення, якая стварае такую ж колькасць пар іонаў, як і доза ў адзін рэнтген.

рэ́нтынг

(англ. renting)

форма фінансавання, капіталаўкладання пры кароткачасовай арэндзе.

рэо́граф

(ад гр. rheos = цячэнне + -граф)

прыбор для запісу напаўнення кроўю сасудаў і капіляраў.

рэо́метр

(ад гр. rheos = цячэнне + -метр)

прыбор для вымярэння расходу газу.

рэпазі́цыя

(лац. repositio = аднаўленне)

упраўка зрушанай косці пры пераломе, а таксама ўпраўка вывіхнутай канечнасці.

рэпара́цыі

(п.-лац. reparatio = аднаўленне)

пакрыццё страт, панесеных у час вайны краінай-пераможцай, за кошт пераможанай дзяржавы, вінаватай у разгортванні вайны.

рэпарта́ж

(фр. reportage, ад англ. repoit = паведамляць)

інфармацыя па радыё, тэлебачанні, паведамленне ў газеце аб мясцовых здарэннях, падзеях.

рэпартым’е́нта

(ісп. repartimiento = размеркаванне)

сістэма закабалення ў іспанскіх калоніях Амерыкі, якая заключалася ў размеркаванні паміж каланістамі зямель разам з карэнным насельніцтвам.

рэпарцёр

(англ. reporter)

работнік газеты, радыё, тэлебачання, які дастаўляе рэдакцыі звесткі аб падзеях і здарэннях мясцовага жыцця.