Verbum

рамс

(англ. rams = бараны)

від азартнай картачнай гульні.

рамулярыёз

(ад рамулярыя)

белая плямістасць лісця, хвароба раслін, якая выклікаецца рамулярыямі.

рамуля́рыя

(н.-лац. ramularia)

недасканалы грыб сям. маніліевых, які развіваецца на лісці люцэрны, рутвіцы, суніц.

рамфары́нх

(ад гр. rhamphos = дзюба + rynchos = морда)

лятучы яшчар атрада птэразаўраў, які жыў у юрскім перыядзе; сківіцы яго з рэдкімі буйнымі зубамі мелі ў рыльнай частцы форму дзюбы.

рамфатэ́ка

(ад гр. rhamphos = дзюба + -тэка)

рагавы чахол на паверхні дзюбы птушак.

рамштэ́кс

(англ. rump-steaks = кавалкі выразкі)

адбіты і падсмажаны ў сухарах скрылік ялавічыны.

ра́нверс

(фр. renverser = адхіляць назад)

бакавы рух каня галавой ад сценкі манежа.

ранверсма́н

(фр. renversement = перакіданне)

фігура вышэйшага пілатажу, якая дае магчымасць хутка мяняць напрамак палёту на 180°.

ранг

(ням. Rang)

1) разрад, ступень у званнях (напр. дыпламатычныя рангі або рангі афіцэраў у ваенна-марскім флоце);

2) катэгорыя, разрад якіх-н. прадметаў, з’яў.

ранго́ўт

(гал. randhout = круглае дрэва)

сукупнасць драўляных або стальных прыстасаванняў на судне (мачты, рэі і інш.), якія служаць для пастаноўкі і расцягвання парусоў, падымання цяжараў, падачы сігналаў.