Verbum

мікрафара́да

(ад мікра- + фарада)

адзінка электрычнай ёмкасці, роўная мільённай частцы фарады.

мікрафатагра́фія

(ад мікра + фатаграфія)

фатаграфаванне павялічаных пры дапамозе мікраскопа аб’ектаў.

мікрафато́метр

(ад мікра- + фатометр)

прыбор для вымярэння аптычных шчыльнасцей на малых участках фатаграфічных адлюстраванняў (спектраграм, аэрафотаздымкаў і інш.).

мікрафа́уна

(ад мікра- + фауна)

сукупнасць жывёльных мікраарганізмаў у якім-н. прыродным асяроддзі.

мікрафі́л

(ад мікра- + гр. phyllon = ліст)

дробны ліст вышэйшых раслін, які ўзнік у выніку эвалюцыі як выраст на бязлістых галінках прымітыўных продкаў гэтых раслін.

мікрафіламе́нты

(ад мікра + філаменты)

ніці бялку актыну нямышачнай прыроды ў цытаплазме эўкарыётных клетак.

мікрафі́льм

(ад мікра- + фільм)

рэпрадукцыя рукапіснага, друкаванага або графічнага дакумента, паменшаная ў дзесяткі, сотні разоў і выкананая на кіна або фотаплёнцы.

мікрафіля́рыі

(ад мікра- + лац. filum = нітка)

лічынкі некаторых нематодаў, якія паразітуюць у крыві або тканках птушак, млекакормячых і чалавека.

мікрафі́ты

(ад мікра- + -фіты)

група раслін, пераважна водарасцей, большасць якіх мае мікраскапічныя памеры і ўваходзіць у склад фітапланктону.

мікрафія́ле

(н.-лац. microphiale)

накіпны лішайнік сям. гіялектавых, які расце ў лясах на камлях дрэў, імхах і раслінных рэштках.