Verbum

тэлесігна́л

(ад тэле- + сігнал)

1) сігнал абумоўленай структуры, перададзены каналамі высокачастотнай сувязі;

2) тэлевізійны сігнал.

тэлесігналіза́цыя

(ад тэле- + сігналізацыя)

аддзел тэлекамунікацыі, які займаецца перадачай сігналаў на значныя адлегласці.

тэлескапі́я

(ад тэле- + -скапія)

назіранне за нябеснымі свяціламі пры дапамозе тэлескопа.

тэлеско́п

(гр. teleskopos = які далёка глядзіць)

1) астранамічны аптычны прыбор для назірання за нябеснымі свяціламі;

2) разнавіднасць акварыумнай рыбкі з выпуклымі вачамі.

тэлеспекта́кль

(ад тэле- + спектакль)

спектакль, прызначаны для паказу па тэлевізару.

тэлеста́нцыя

(ад тэле- + станцыя)

комплекс электроннага абсталявання і збудаванняў, якія служаць для падрыхтоўкі праграм тэлевізійнага вяшчання і іх перадачы шляхам радыёхваляў.

тэлесту́дыя

(ад тэле- + студыя)

спецыяльна абсталяванае памяшканне, з якога вядуцца перадачы, арганізаваныя тэлецэнтрам.

тэлестэрэаско́п

(ад тэле- + стэрэаскоп)

аптычны прыбор, праз які рэльефна выглядае мясцовасць.

тэлета́йп

(англ. teletype, ад гр. tele = далёка + англ. type = адбітак)

літарадрукавальны апарат для прыёму і перадачы тэкстаў па тэлеграфных каналах сувязі.

тэлетайпагра́ма

(ад тэлетайп + -грама)

афіцыйнае паведамленне, перададзенае па тэлетайпу.