Verbum

капо́т​¹

(фр. capot)

адкідная металічная накрыўка для аховы розных механізмаў ад пылу, вільгаці (напр. к. аўтамабіля).

капо́т​²

(польск. kapota, ад фр. capote)

жаночае хатняе адзенне прасторнага пакрою.

капра́л

(фр. caporal, ад іт. caporale)

воінскае званне малодшага каманднага саставу ў арміях некаторых краін.

капралакта́м

[ад капро(н) + лац. lac, lactis = малако + ам(іны)]

арганічнае азотазмяшчальнае злучэнне гетэрацыклічнага рада; цвёрды крышталічны прадукт, служыць сыравінай для вытворчасці капрону.

капралі́т

(ад гр. kopros = кал + -літ)

акамянелы памёт выкапнёвых пазваночных.

капраста́з

(ад гр. kopros = кал + -стаз)

затрымка калавых мас у кішэчніку.

капрафа́гі

(ад гр. kopros = кал + фагі)

арганізмы, якія харчуюцца экскрэментамі (напр. жук-гнаявік, лічынкі некаторых насякомых).

капрафі́лы

(ад гр. kopros = кал + -філ)

грыбы, якія развіваюцца на гною.

капро́н

(рус. капрон, ад лац. capra = каза)

штучнае валакно высокай трываласці з сінтэтычнай поліаміднай смалы, а таксама тканіна з гэтага валакна.

капрыёль

(іт. capriole)

скачок манежнага каня на месцы.