Verbum

закуба́нь Невялікая затока на рацэ (Краснап. Бяльк.).

заку́зінне Месца за кузняй (Слаўг.). Тое ж заку́зні́чча, закузне́чча (Слаўг.).

закусто́ўе Месца за кустамі, па той бок кустоў (Слаўг., Стаўбц. Прышч.). Тое ж закусточча, заку́сці́шча, заку́стычча, закустэ́ічча, заку́сціння, закустэ́іння, заку́сцічча, закустаўё (Слаўг.).

заку́так

1. Аддаленае ад галоўнай вуліцы месца; глуш (БРС). Тое ж заку́цце (Віц. Касп.).

2. Закавулак; агароджа для жывёлы; хлеў (Лёзн. Касп., Слаўг.). Тое ж за́куць (Слаўг.).

за́лвань Месца, дзе ў раку ўпадае другая рэчка ці ручай (Касц. Бяльк.).

за́леж

1. Зямля, якую не аралі многа гадоў; абложная зямля; цаліна (БРС). Тое ж за́лег, залёгі (Міёр.).

2. Пустка; поле, запушчанае і аддаленае ад сялібы (Мін. губ. 1864 Зял., 90).

□ ур. Зале́га каля в. Шарсцін Ветк.

зале́ссе Месца за лесам (паўсям.). Тое ж зале́сы (Слаўг.).

□ ф-к Залессе Леп., в. Залессе Петр., ур. Залесы каля г. Гомеля (К. 1838).

залі́вішча Паніжанае або жолабападобнае месца на схіле гары, дзе збягае патокам вада вясной ці ў час вялікіх дажджоў (Слаўг.). Тое ж вы́ліў, зале́ва, збег, плыццё (Слаўг.).

залі́пнік Месца за ліпнікавым зараснікам, за ліпавым лесам (Слаўг.). Тое ж залі́пішча, залі́пічча, залі́пнішча, залі́пнічча, заліпня́к, залі́пачча, заліпняччо, залі́пцам, залі́піннік, заліпаўё, заліпча́ннік, заліпча́нне (Слаўг.).

залі́ў Водная прастора, якая ўрэзалася ў сушу (БРС).