Verbum

казе́лец Прырэчнае і наогул нізкае лугавое месца, дзе расце казелец Ranunculus flammula L. (Слаўг.).

□ ур. Казелец (нізкі луг) каля в. Шаламы Слаўг.

казіна́ Неўрадлівая, забалочаная сенажаць, дзе расце вельмі жорсткая дзікая трава (Стаўбц. Прышч.). Тое ж казіне́ц (Стаўбц. Прышч.).

□ ур. Казіна́ (поле і частка в. Гнацькі) Стаўбц., ур. Казіне́ц (сенажаць) Стаўбц., Казі́нец (вуліца) у г. Слаўгарадзе.

казна́ Дзяржаўны лес (Слаўг.). Тое ж казёншчына (Слаўг.).

□ ур. Казна (лес) каля в. Пасека Ст.-дар., ур. Казёншчына (лес) Слаўг.

ка́йдуб Вытаптанае месца на лузе (Палессе Талст.).

каксагы́зішча Поле, дзе рос кок-сагыз (Слаўг.). Тое ж каксагы́знік, каксаі́знік, каксаі́зішча, кастагры́зішча (Слаўг.).

кал Гразь (Брэст., Гродз., паўдн. бел. Лемц. Айк.).

калаво́рат Глыбокае месца ў рацэ, вір (Жытк.).

калагу́мні́чча Месца каля гумна (Слаўг.). Тое ж лягу́мні́чча (Слаўг.).

каладзе́ц Студня з калаўротам (Слаўг.).

каладзьня́

1. Зб. Частыя калодзежы ў вёсцы, на хутарах (Слаўг.). Тое ж калазня́ (Слаўг.).

2. Стар. Крыніца з устаўленай пустой у сярэдзіне калодай замест зруба. Параўн.: Сіній Калодзісь, Калодзісь і Сіняя Крыніца ці Крініца каля в. Кліны Слаўг.

□ в. Калодня (Крыч. Меер),в. Калодня каля Смаленску.